2.1.08

ég verð að fara yfir þetta; fékk nýja fína vinnu, fengum fríkeypis ferð til draumalandsins í Florida, ( og komum í séð og heyrt...vei), ég og Jóhamar gáfum út bókina hans,
og hún fékk allskonar flotta athygli, krakkarnir urðu hálffullorðin, erfiða barnið hætti að vera erfiða barnið og er núna únglingur á lyfjum, elsta afkvæmið flutti að heiman...búhú, já og varð stúdent,
yngsta barnið komið í gagnfræðaskóla, við fórum í frábæra ferð á fornar heimaslóðir í DK, og ég varð fjertíu ára..., ég kynntist barnalandi og facebook of náið, við fengum kanínu 1 janúar og hamsturinn dó,
frábær Akureyrarferð og í sumarbústað með vinum stendur uppúr, kærastinn flutti og fékk nýtt dót, hmmm..jú eitthvað grynnkaði á skuldum þó að ég mætti taka það fastari tökum ,
já og sororitíið var stofnað mér til gleði því að ef það er eitthvað sem mér hefur fundist vanta í síðasta ár er það kannski örlítið meiri samgangur við vinkonur, ekki við neinn að sakast nema sjálfa mig svosem í því, en við eigum það sameiginlegt að líf okkar er fram úr hófi flókið á stundum


þetta ár verður betra og skuldirnar munu minnka og það verður mikið rusk í vinnunni og únglingurinn mun útskrifast úr grunnskóla og hefja nýtt skeið í sínu oft á tíðum flókna lífi, eitthvað rusk verður líka á pabbahelgunum því að sá er að flytja á hinn enda landsins...gaman að því, ein utanlandsferð er fyrirhuguð, kannski önnur stutt ef hægt er, bókaútgáfan heldur áfram og..
hmmm...skyldi trampólinið sem ég keypti vera fokið?

Engin ummæli: